Custu jassu est s'Arcivu Sardu de Bilinguismu, ki pinnìgat dogumentus de importu po fai su bilinguismu sardu-italianu.

De abrili de su 2004 fintzas a friarju de su 2007, jai tres annus, est stètiu unu cotidianu telemàtigu puru, cun is noas de interessu po sa lìngua e sa curtura sarda. Unu serbìtziu de profetu mannu, ken''e nimancu un'arriali de dinai pùbrigu, fatu totu a boluntariau de sa genti de s'Acadèmia Campidanesa de sa Lìngua Sarda.
Imoi custu serbìtziu de cotidianu telemàtigu est firmu, po mancàntzia de genti ki tengat su tempus de ddu mandai a innantis. Spereus de ddu podi torrai a pigai kitzi, cun d-una genia de jovoneddas e de jovoneddus bilingus ki funt crescendi.

Totu is noas, po su balori curturali e linguìstigu mannu ki tenint, si ddas lassaus innoi a suta. Ki inguni boleis circai calancuna cosa, podeis imperai su motori de busca ki ddu est in artu a manu dereta, ca custu puru ddu lassaus allutu.

In s'interis, ki boleis sciri is fatus prus de importu po su bilinguismu podeis castiai custus jassus amigus, bastantementi ajorronaus:
http://www.ivomurgia.splinder.com
http://guide.dada.net/lingua_sarda.
In prus si podeis assentai a-i custas listas:
- scrieus.in@sardu.net
- acalisa@comitau.org

Ki boleis scriri a s'Arcivu Sardu de Bilinguismu e/o a s'Acadèmia Campidanesa de sa Lìngua Sarda, su bivimentu est su pròpiu: cracai innoi