CUNTRATU CUN IS SARDAS E CUN IS SARDUS

Acadèmia de su Sardu Onlus
Bia de Logudoru n. 3, Casteddu - Tel. 348.72.33.653

Deu, chi seu candidada/au a is eletzionis arregionalis de su 15 e 16 de friaxu de su 2009, assiguru a is sardas e a is sardus chi ap’a traballai po una polìtiga linguìstiga de profetu, po fai su bilinguismu in Sardìnnia.

Craca innoi po biri is chi ant firmau custu cuntratu

Custu bolit nai ca:

Ap’a traballai po cumentzai luegus unu sperimentu nou, cun duas bariedadis ofitzialis de sardu, campidanesu literàriu e logudoresu literàriu.
Custas duas bariedadis s’Arregioni ddas depit imperai imparis, cun su pròpiu dogumentu scritu in toteduas is bariedadis, o puru a muda, imperendi ses mesis su campidanesu e ses mesis su logudoresu.
Is atzionis polìtigas po lompi custa tenta ddas ap’a apariciai cun s’agiudu de s’Acadèmia de su Sardu, chi dd’ant fundada su 19 de mesi de idas de su 2008 is mellus oberadoris de lingua sarda, campidanesus e logudoresus imparis, cun sa consulèntzia scentìfiga de Eduardo Blasco Ferrer su professori.
Ap’a fai custu traballu mancai sciendi chi atrus polìtigus de sa partidu miu no funt di acòrdiu, ma dd’ap’a fai su pròpiu ca innantis depint benni is deretus de is sardas e de is sardus.
Abarru pronta/u a agiudai, de sa manera chi potzu, s’Acadèmia de su Sardu chi eus nau, dònnia borta chi custa at a domandai.
Abarru prontu a pigai parti a is cunferèntzias de polìtigus po is duas bariedadis chi s’Acadèmia de su Sardu at a apariciai.

Seu po chi s’Arregioni imperit toteduas is bariedadis, de manera ofitziali ca:

Totu is sardas e is sardus depint essi arrapresentaus, cun is bariedadis naturalis insoru, su campidanesu, chi s’agatat scritu giai de su 1089 (Carta Calaritana) e su logudoresu, chi s’agatat scritu giai de su 1113 (donu de Santu Nigola de Trullas).
Is librus antigus e modernus chi spricant sa gramàtiga insoru funt medas. Totus cumprendint una o s’atra o toteduas puru. Sa literadura scrita est giai totu in campidanesu o in logudoresu, no s’agatat una literadura in Limba Sarda Comuna.
Sa poesia a bolu, o cantu de sei, est sempri in campidanesu o in logudoresu, no s’agatant cantadas in Limba Sarda Comuna. Custu amostat craramenti ca is sardas e is sardus ant giai uniu de manera naturali is fueddadas de is biddas insoru, pinnighendiddas in custas duas grandus bariedadis. Su tenore de Orgòsolo cantat in logudoresu, no in orgolesu (e prus pagu chi mai in Limba Sarda Comuna) e su cantadori de Sìnnia cantat in campidanesu e no in sinniesu (e prus pagu chi mai in Limba Sarda Comuna).
In totu su Mundu is istitutzionis su prus de is bortas scioberant sa bariedadi chistionada de prus (cumenti ant fatu in Catalùnnia pighendi sa bariedadi de Barcellona o in Fràntzia pighendi sa bariedadi de Parigi) o sa cun prus literadura scrita. In Sardìnnia sa literadura scrita est meda in toteduas is bariedadis, e su campidanesu est sa bariedadi de su logu prus populau.
In totu su Mundu funt meda is logus chi is istitutzionis ant scioberau po ddas imperai de manera ofitziali duas bariedadis de sa pròpiu lìngua o fintzas duas linguas diferentis. Aici est in Svìtzera, in Norvègia, e cun atras lìnguas cumenti su ladinu dolomìtigu, su serbu-croatu, su cecu-slovacu e aici nendi.
Sa Limba Sarda Comuna est una bariedadi no beni crara, est traballosa ca no fait a a dda imparai chistionendi ca no dda chistionant in nisciunu logu, no fait a dda impari nimancu ligendi e scriendi ca no tenit literadura, ni gramàtigas ni ditzionàrius.

Dongu su permissu a s’Acadèmia de su Sardu de fai sciri a totus e de calichisiat manera chi deu apu firmau custu cuntratu, de manera chi is sardas e is sardus scìpiant chini est a sa parti insoru.

Is chi ant firmau custu cuntratu:

Michele Atzori noto Dr. Drer, Unidade Indipendentista, Gianfranco Sollai, Cagliari
Rosaria Congiu, Rifondazione Comunista, Renato Soru, Cagliari
Mario Diana, Pdl, Ugo Cappellacci, Oristano
Sergio Lecis, PSd'Az, Ugo Capellacci, Cagliari
Simona Lobina, Rifondazione Comunista, Renato Soru, Medio Campidano
Walter Marras, PSd'Az, Ugo Capellacci, Cagliari
Fabrizio Murgia, Italia dei Valori, Renato Soru, Cagliari
Josto Andrea Murgia, Rosso Mori, Renato Soru, Cagliari
Oliviero Nioi, PSd'Az, Ugo Cappellacci, Cagliari
Elisabetta Pili, Unidade Indipendentista, Gianfranco Sollai, Cagliari
Fernando Pisu, Rossomori, Renato Soru, Cagliari
Roberto Ruffino, Rossomori, Renato Soru, Medio Campidano
Marco Sacceddu, Rossomori, Renato Soru, Cagliari
Giuseppe Stocchino, Rifondazione Comunista, Renato Soru, Cagliari
Claudia Zuncheddu, Rossomori, Renato Soru, Cagliari

Abetendi sa firma sua, ligeisi' s'artìgulu de Mariano Ignazio Contu, Pdl, Ugo Capellacci, Cagliari

Craca innoi po intrai in comitau.o rg