Amos Cardia, caminadori e cicrista de a piçokeddu, tenit trintun'annus e bivit in Sìnnia. Laureau in Scèntzias Polìticas cun d-una tesi a pitz''e sa lìngua sarda, de medas annus stùdiat su sardu de manera scentìfiga.
Cun d-unus cant''e cumpanjus 'e stùdiu at fundau su Comitau Studiantis po sa Lìngua Sarda, ki agoa est bessiu Comitau Obradoris de Bilinguismu e imoi Arcivu Sardu de Bilinguismu, at imparau lìngua sarda in is iscolas de Stertzili, Igrèsias, Cuartu, Sìnnia, Cabuderra e in cursus. Imoi trabàllat po su cotidianu «Il Giornale di Sardegna», po is jassus de lìngua sarda www.comitau.org e www.sardu.net, po su cursu arradiufònigu Allui su Contu e po s'assòtziu curturali e de boluntariau I Sardi. Esti in s'Acadèmia Campidanesa de sa Lìngua Sarda e custu esti su primu libru suu.
