Intrabistaus a Marinedda Cao i a Sėrbia Callai, maistas de sa scola ilementari de Sėnnia, una bidda de 15.000 personis a cant''e Casteddu.
In custa scola (I Cėrculu) anti fatu unu cursu de sardu a is pipias/us de 6 e 7 annus.

Pregunta : comenti est ki est inghitzau su scallentamentu tuu po sa lėngua sarda?
Arrespusta: po mori de un'amiga mia, ki scriiat contus e poesias.

Pregunta: a parri tuu, ita balori donas a s'imparu de sa lėngua sarda in is iscolas?
Arrespusta: est de importu mannu, e depit truessai totu is atrus imparus.

Pregunta : ita ti nd'est partu de su cursu acabau de pagu?
Arrespusta : m'est partu scallentadori, de interessu e struturau beni.

Pregunta: a parri tuu, ita nd'est partu a is pipius de su cursu?
Arrespusta: anti traballau meda, e sa timoria ki tenėanta candu ant inghitzau, funti sparėssias illuegus.

Pregunta: ita bariedadi ant umperau is imparadoris fendi is letzionis?
Arrespusta: in sa bariedadi campidanesa.

Pregunta: a parri tuu, ki is letzionis das ėanta fatas in sa bariedadi logudoresa, bariedadi ki calincunu iat a bolli imponni a totu sa Sardinnya, is pipius, comenti iant ai arrespustu?
Arrespusta: iant ai imparau su prōpiu, ma su ki iant ai imparau no d'iant ai pōtziu imperai in totu is arrelatas insoru, ca sa bariedadi logudoresa est una bariedadi stranja in s'arrealidadi insoru.

Pregunta: su cursu,arrepiti du bolis?
Arrespusta: de siguru, e sempri, finsas a s'acabu de sa scola ilementari.

Pregunta: su cursu de sardu ita t'est partu? Is pipius, comenti anti pigau sa cosa?
Arrespusta: su cursu m'est partu de interessu mannu e is pipius si funti fikius meda ca is letzionis de su cursu teniant acāpius cun is cosas ki is pipius binti donnya di' e duncas a cant''e sa speričntzia insoru. Is pipius si funti scallentaus meda e anti trastijau is letzionis prexaus ca a parri insoru intendėanta sa lėngua sarda, kini prus kini mancu, comenti a un'arrogu de bida, e duncas fėanta protagonistas de sa lezioni.

Pregunta: cali ainas didātigas ėanta podi essi umperadas po cumpriri is cursus de lėngua sarda?
Arrespusta: is cursus de lėngua sarda ėanta podi essi cumprius cun ainas struturadas (po nai, fotocōpias prenas de māginis, librus de contus e aici nendi) e cun ainas distruturadas comenti cascitas bėdiu e āudiu, jorronalis, cartuleddas.

Pregunta: a parri tuu in is iscolas a cant''e su bilinguismu cumpriu seus?
Arrespusta: no. Seus atesu meda.

Pregunta: ita iast a cunsillai a is polėtigus nostus?
Arrespusta: em'a cunsillai a is polėtigus sardus a fai de prus po promovi e abalorai sa lėngua e sa curtura nosta, inghitzendi de is iscolas, po fai de manera ki is istudiantis akirėranta s'identidadi sarda a pipius.

Pregunta: iast a baliai s'imponidura de sa "limba sarda unificada" (LSU est a nai logudoresu) in sa crassi e in sa scola tua de Sėnnia?
Arrespusta: no, mancu po conca, no em'a baliai s'imponidura de sa LSU mai, ca su logudoresu est atesu meda de sa speričntzia de is pipius e dus iat a cunfundi sceti.

Pregunta: pensas ki is babus o is pipius iant a baliai sa LSU?
Arrespusta: no creu diaderus!