|
 |
| |
| |
|
Su prus de is bortas, ki unu esti fueddendi in sardu e depit nai una cosa ki no tenit unu nòmini sardu, sardìzat su nòmini italianu, ma aici d'acàbat a no fueddai mancu prus in sardu, ca su ki ndi bessit no esti sardu, ma "italianu cun sa u". Sa kistioni de is fueddus de s'avedalidadi, sa kistioni ki una lìngua depit tenni totu is fueddus po fueddai de calikisiat cosa, nci tenit un'importàntzia manna, ca ki no nci traballaus sa lìngua sarda no s'at a adelantai mai, e at a abarrai sempri lìngua bassinera. Sa kistioni esti simpli meda, i esti custa: is fueddus ki amàncanta, de innui nde dus pigaus?
Po cussu, s'ùniga manera sèria e frutuosa po fai is noulogismus in sardu est a nde dus fai bessiri de atrus fueddus sardus, umperendi is arrègulas de su sardu e totu, e di aici fait a agatai unu nòmini a calikisiat cosa. Custa kistioni no parrat strama: su nascimentu de is fueddus nc'est stètiu sempri e nc'est oindi' puru, mancai ki no s'indacateus, in calikisiat lìngua, in su sardu puru. Ita nai de si nunca de sçoferru, abioni, bosceri cingoma, jòmetru, polima, justinu, afeurrau... Is tres maneras prus imperadas po su nascimentu de is fueddus in calikisiat lìngua funti sufissadura, prefissadura e cumponidura: is sufissus, is prefissus e is maneras de cumponi funt unu muntoni, das agatais totus in su capìtulu de is noulogismus de sa Gramàtiga sarda. Custu capìtulu si du poneus de scarrigai a donu innoi e totu ma po d'oberri serbit su programa Acrobat Reader: ki no du tenis, craca a innoi po ti du scarrigai de s'arretza po de badas. > Craca a innoi po ligi cumenti fai is noulogismus Innoi de sighia poneus unas cant''e fileras 'e noulogismus (e, ki s'ajudais, nd'eus a ponni atras puru), in su mentras si podeis scriri po si nai is fueddus ki teneis abisonju o po si ndi fai connosci ki no conosceus. Argumentus: |
|
|
|
|
|
|