Sa lìngua sarda esti de su pòpulu e po su pòpulu. Esti cosa de totus e, po-i cussu, po da sarbai e po d'adelantai, serbit su traballu de totus, no de tzertas genias de personis sceti.

Sa lìngua sarda no esti cosa de is cantadoris sceti, no esti de is poetas sceti, su stùdiu de sa lìngua sarda no esti e no podit essi cosa de is professoris unibersidarjus sceti (ki a contu fatu no da fuèddanta mancu mai). Tanti po ndi nai una, po sa lìngua cadelana at traballau meda meda unu ki no fiat ni professori ni literau: Pompeu Fabra, ki fiat un'inginneri. E oi su cadelanu est una lìngua forti meda e sa Catalonnya esti bessia una de is arrejonis prus arricas, ki no s'arrejoni prus arrica, de totu sa Spannya.

Torrendi a sa Sardinnya, una parti manna da pòdinti fai is butegas e is siendas, ca est inguni ki nosu passaus su prus de sa di' i est inguni ki nosu s'atobiaus e traballaus.

Poneus una lista de unas cant''e butegas e de siendas ki tèninti s'insinna in sardu, a essempru ki tòcat a pigai totus.

Custa lista esti po donai una primu mirada, ma consillaus no tanti a ponni unu nòmini in sardu in mesu a s'italianu (po nai, RISTORANTE PIZZERIA "Juannicu") ma a narai sa butega in sardu e totu (POSADA PITZERIA "Giovannino").

Prus ki atru seus cirkendi butegas de sa de duas spètzias, mandaisi' su nòmini, su bivimentu e sa fotografia ca dus eus a imprentai.

Atrus dogumentus po custa kistioni:

• E su dinai? Is francus e is arrialis (Un'artìgulu de Amos Cardia bogau de Il Giornale di Sardegna)
• Sa lìngua sarda est abarrada bia in is logus de sa cosa 'e papai (Un'atru artìgulu de Amos Cardia bogau de Il Giornale di Sardegna)
• Picigosus (adesivi) in is butegas de Nùgoro [ispinghe e intrada]
• Unu manifestu de unu pintori
• Scontrixeddu de pitzeria
• Scontrixeddu de potecaria
• Billetu po aparcai sa màkina