Cumintzeus a si connosci

Custu stùdiu pìgat a arreferimentu sa Conta de is Bividoris de sa Sardinnya de su 2001 e sa pratzidura de sa Sardinnya a arjolas linguìstigas po ki s'agàtanta di acòrdiu totu is linguistas. Su gràfigu ki sighit no amòstat cantus funt is ki fuèddant una bariedadi o un'atra, ma cantus funti ki bivint in d-un'arjola lìnguìstiga o in d-un'atra.

Po sa mayoria de is bividoris de sa Sardinnya custa podit essi casi sa pròpiu cosa puru, ma in d-unu stùdiu scentìfigu sa diferèntzia bolit incrarada beni. Una personi podit bivi in d-un'arjola linguìstiga e perou podit fueddai un'atra bariedadi, o puru una personi podit bivi in d-una arjola lìnguìstiga e comuncas no essi de cussa bariedadi su pròpiu, ca mancai scit e fuèddat s'italianu sceti.

Custa kistioni bolit fata po totu is arjolas linguìstigas e po totu is bariedadis, mancai ki, po su ki spètat a su Campidanesu, sa mànnaria de su nùmuru esti tanti ki, mancai boghendindi custas personis puru, at a sighiri a essi sa bariedadi prus manna su pròpiu.

E imoi bieus is nùmurus e is po-centualis ki s'anti permìtiu de pesai su gràfigu:

Arjola linguistica    N.bividoris    Po-centuali

Campidanesu               974.923           59,2
Logudoresu                247.316           15,0
Tataresu                  157.963            9,6
Nugoresu                  126.501            7,7
Gadduresu                  88.596            5,4
Aligheresu                 40.562            2,5
Tabarkinu                   9.312            0,6

Sardinnya               1.645.173          100.0

Torraus gràtzias a Nicolau De Notarpietro, studianti sinniesu de lìngua sarda, ki at tentu passièntzia meda po fai su contu de is bividoris de donnya arjola lingùistiga de sa Sardinnya. Ken''e de issu custu stùdiu no nci at'essi.